Apytágui nderehe'ỹ
Aipo'o ndéve G̃uarã
Ndaikatumo'ãi voínte
Tesaráipe roheja
Pyharérõ ñasãindýpe
Ahenóiva pe nde rera
Hi'ãitégui ymaguaréicha
Nde ypýpente aja
Che ruguýrehe opoñýva
Mborayhu ndéve G̃uarã
Ndopavéima chehegui
Ni rehórõ mombyry
Che ha'éva ko yvy ári
Ndenteha chéve G̃uarã
Pero ndacherayhúigui
Añohê che resay
Eguapýna epensami
Rehayhúramo nde sy
Porque chéko upeichaite
Ko yvy ári rohayhu
Nderehe chemandu'árõ
Ndavy'ái, añembyasy
Añandu pytu'uhárõ
Chejopy techaga'u
Nde yvoty rangue mimi
Ku ko'ê ha re-regáva
Hyakuãngue ñande rasáva
Ipirúma avei
Ndo'uvéima ijysapy
Guyrami saite iparáva
¿Mba'érepa ãichaite
Neñaña, kuñataî?
¿Mba'érepa, Tupãsy
Péichante chequebrantá?
¿Mba'épiko reipota
Ajapo nderehe'ỹ?
Che korasõre vy'a'ỹ
A más día oñeaumentá
Ha nde ndepy'ahatã
Cherejávo tyre'ỹ
Yvágare chepojái
Ka'arúrõ cheañomi
Cheapijoha, ndavy'ái
Nderehénte apensá
Tupãme aporandu
Ndaikatúipa rejumi
Siquiera sapy'ami
Tapytu'u, che kamba
