Cum sit fama multiplex de te divulgata, veritati consonent omnia prolata; colorare stultum est bene colorata, et non decet aliquem serere iam sata Vide, si complaceat tibi me tenere: in scribendis litteris certus sum valere, et si forsan accidat opus imminere, vices in dictamine potero supplere. Hoc si recusaveris, audi, quod attendas: paupertatis oneri pie condescendas, et ad penas hominis huius depellendas curam aliquatenus muneris impendas.