Reiete nde pochysérõpa mba'e ja'éta ndéve
Aniangána reimo'ãtei aguapýta che rasê
Omanóvare añoiténte che resay añohêne
Oikovévare anichéne ikatu aja guive
Chéko péina añeñandu che rekópe yvy'uháicha
Mba'eve'ỹ ramoguáicha avy'a ha apurahei
Ymavéntemiva'ekue hekoitépe ku mitãicha
Nde rovasymínte chéve ha upéva ndopavéi
Nda upéichai hína ápe, ehendu porãke kóva
Ohóvako ya ohóma, ha omano'ỹva oikove
Upévako nde ha che, la oikova'erã ya oikóma
Ha águi upe ne rendáicha japytáta mokõive
Ni rei nañemyrõi ni aipo che py'aróta
Mbarakaja ku so'óndive péichante va'erã voi
Si ndéngo, kuñataî, mba'erãiko egueropopóta
Nde pindánteke anivétei tuicha re mbo sevo'i
Aniangána reimo'ãtei apukáta nderehénte
Heta gueteríko oî yvy ári vy'arã
Oîko upe tupã, ajykeko ku hesénte
Upéicha rupi ko'ãga ndarekóiva angata
Péina oî che mbaraka ysypo piru hováre
Ñembyasy rangue ome'êva py'aguapy katui
Che ndajuhúiva voi aipo ahayhu porãre
Che moingéva ka'aguýpe aha'ã lui lui
