Su odja go nha tera si (su odja, su odja) Tok bo na dimira (tok bo na dimira) Ambison ku tciu dimas (ambison) E ta gueria pa poder (e ta gueria pa puder) Tempu i dinheru, ma nha korson i ka brinkedu Ali n' na botan ganas di nha lagrimas na reklama Korson findi, udjus pangan N' ka sibi kal ki notisia di tera ki bo na tisin, ma Kansera ki n' sibi tem na nha tera la N' ta firgui n' ta firme, n' ka na dizanima (nunka) Bo kumpu tera, bo para brinkadera E kusa di mon madera ta tisi miti miti pé na kadera Pora merda, bo disi storia di rere-rere Bo djubi koitadi mininus ku bariga di fomi, boka di bokera Djubi pera, es i mininus di nha tera ka meresi sta ualualidu, kotcotcidu, kolontcidu Anos no na kume karus, abos bo na kume arus Ampus e tipu di maltratu ki ta tisi djus (ki ta tisi djus) (Mc Igreja, djusian djusia!) Su odja go nha tera si (su odja, su odja) Tok bo na dimira (tok bo na dimira) Ambison ku tciu dimas (ambison) E ta gueria pa puder (e ta gueria pa puder) Sukuta, e ta kume fartu e bota e ka mporta Koitadi povu ki ta vota! Ordi forti, tratu mofinu, punta Rofino! Brother Witchu, subia witchuwiu É brother Witchu, Tchutchu Moransa ku fomi dun di moransa é ka omi Kantiga di la i ditu, fomi di mon pasadu ta tisi konflitu Kin ki tene fomi ka ta pensa dritu Pa intci bariga e ta vira ka banga di djitu Bo bai tira bo vida, juro, i pa fraku spiritu toka nha pitu, es i ka kombersa di ditu N' misti pa bo obi nha gritu, n' misti pa nha povu sta dritu Pe para kastigadu pa kamarada ki aos i general, koronel Se ermon di aonti staba suma kabra, purku, karnel na kume forel na kortel I bos, bo pasa omi pa kortel! (No ka tciga di bai, li o no muri tudu ma no ka na bai reforma) Su odja go nha tera si (su odja, su odja) Tok bo na dimira (tok bo na dimira) Ambison ku tciu dimas (ambison) E ta gueria pa puder (e ta gueria pa puder) Aos n' tene sunhu medunhu, nha povu sta lundju N' na muri di sedi na fonti di iagu dosi Sos, i ka di aos ki n' manda nha kombersa margos Son Bentu ku bos, bo punta Bif Toff (i bardadi) Sua Excelência, kamarada, balentis kombatenti Ku unidadi no serka tuga, no toma no tera, no isa no bandera I so ku unidadi ku no pudi kumpu no tera Es ki nha kudadi i es ki bardadi Tera ka ta kumpudu parmanha pa di tardi Prisidenti el so i ka pudi fasi nada, só si milagri No ka misti rumba di bumba di tum-tam No ka misti tio Kuma, ke di no jovem, n' punta Kuma e kaba liceu, i sinta na pera pa tudu bin di seu Djê, madjê, punta mana Adjê Pa kumpu tera i ka so no guvernantis Fidju di tera dibi di lanta e fasi kel ki pudi fasi pa tera Menos asneira, tempu ka tem pa pera Jovem, no dixa pulitika di bankada, di No pega na nxada, pikareta, pá, kareta No limpa no strada, no baleta Pa es anu kolera ka tem, es ki dibi di fasidu Paraba di numeru di mininu nosenti falesidu Ku apoiu di kamara munisipal Sa ka da aval no fitca strada prinsipal Ke di no ospital? No medikus tenenu suma galinha patu na se kintal Su odja go nha tera si (su odja, su odja) Ambison ku tciu dimas (ambison ku tciu dimas) E ta gueria pa puder! Su odja go nha tera si (su odja, su odja) Tok bo na dimira (tok bo na dimira) Ambison ku tciu dimas (ambison) E ta gueria pa puder (e ta gueria pa poder)