Tahánte che mombyry
Che rechave'ỹhaguãme
Anive nde raperãme
Rejuhu ndea'e'ỹha
Iporãnte che aha
Aipykúi tape ipukúva
Ahekávo cherayhúva
Ndeichagua che yvotyrã
Taikónte che mombyry
Ha anive che royrõ
Jaheipópe chemoingo
Ñaimo'ã tyre'ỹmi
Tahánte che ndehegui
Anive aime nde ypýpe
Ha aikóvo ka'aguýpe
Epytu'u chehegui
Iporãnte roheja
Roipe'ahaguã che akãgui
Anive upe ne ñañágui
Che rekove rejuvy
Oiméne ambue jasy
Chemba'erã oñongatúva
Kuñataî che rayhúva
Yvága ru'ã poty
Oiméramo peteî
Ndéicha imborayhu'ỹva
Mitãicha nembotavýva
Ha iñuhãme ndereity
Ikatúne chembyasy
Reikórõ jepy'apýpe
Kuimba'e ñaña poguýpe
Remboy'u nde resay
Nde jurúgui aikûmbypy
Oimemaha rehayhúva
Ha chemonambirakúva
Upe ambue panambi
Añandu porã voi
Chemoingose pukahárõ
Iporãnte rohejárõ
Che yvoty pirukuemi
Iporãnte roheja
Roipe'ahaguã che akãgui
Anive upe ne ñañágui
Che rekove rejuvy
Oiméne ambue jasy
Chemba'erã oñongatúva
Kuñataî che rayhúva
Yvága ru'ã poty
