Ma dì ciò ch’è tù voli
Hè bella a nostra terra
Da e so cime à I moli} bissu
In centu riturnelli
Ci cantanu l’acelli
Hè finita la guerra
Hè finita la guerra…
Ma dì ciò ch’è tù voli
Chì si stà bè in paese
Quand’ellu ùn s’hè più soli} bissu
È ch’omu s’adunisce
In amicizie lisce
À bandere palese
À bandere palese
Ma dì ciò ch’è tù voli
Li ferà prò l’avvene
À I lochi muntagnoli} bissu
Si quellu chì ci spera
Face girà la sfiera
Di e so inghjuste pene
Di e so inghjuste pene
Ma dì ciò ch’è tù voli
Chì d’odiu ùn si capace
Un ghjornu ti cunsoli} bissu
È ti vene à u core
Un surrisu d’amore
Dolce quant’è a pace.
Dolce quant’è a pace.