Hekovia techaga'u pore'ỹ puku rire
Hasýpe péina ikatu rohecha jey, nde, che vallemi
Py'arory, tetia'e che korasõ omokyrỹi
Añandu ipiro'y angata vaígui che rekovemi

Ka'aguy ha ñu porã che resa ombohory
Opurahéi ñakyrã ha umi guyra'íma katu oñe'ẽ
Yvága ja'e hese, ndaiporiva'erãi che valleichagua

Ynambu guasu oñe'ẽ
Mombyrýgui ñahendu
Yvytu porã oipeju
Ha hyakuã niño azoté
Yvambopi hi'aju
Aratiku ñu re'ẽ asyete

Hetáko avei tetãygua mombyrýva chéicha oiko
Hi'ãnteva sapy'a huã'i omondoho pore'ỹetaite
Kuñataî ha mitã, kuimba'e katupyry
Ñane retã rembiayhu te'ýi teete ñemoña pore

Péina ñande tricolor yvytúndie isaraki
Hi'ãnteva ojupi kuarahy jave amo yvatete
Ha iguýpe tañandeaty jaikuaa jey ku vy'apavê

Pore'ỹ puku rire
Tove taneruguaitî
Nde symíndive nde ru
Nde ryvy, nde ryke'y
Ne reindy ha nde jarýi
Taneañuamba ha nemokunu'ũ