'T Beste Peerd Van Staal

Hiltje von zokzulf te zwoar
En ging doarveur noar stad
Gimmestieken wol ze, op meziek
Dat leek heur dou wel wat
Eerst rekken en strekken as "warming-up"
Zo hait dat, da's gezond
Din klinstern en hinkelepinken
Mor wat bleef dat was dij kont

Refr.:
Ik denk 't ligt aan dien genen
Blifst aaltied rond en vol
Kiek mor noar dien achternoam
Haist nait veur niks "vraauw knol"
En ast doe op schoale staaist
Denk din: 't is mor 'n getal
Doe blifst mien laive peerdebloum
En t beste peerd van staal
Ain, twij, drij, vaaier

As hiltje 'n spaigel tegen kwam
Duurfde ze nait te kieken
"grinzen" zee ze, "duk net nog nait
Mor 'k begun op n peerd te lieken
Heur jopke was 't nait mit heur ains
Dij zee: "'k hol van vol en rond
'n pude botten huift veur mie nait
'k zai laiver 'n peerdekont"

Refr.

Ain, twij, rek en strek

Drij moanden laank, vief moal in week
Ging hiltje op fiets noar stad
Gimmestieken op meziek
Mor ze veraanderde gain spat
Om af te valen nam ze ook tabeletten
Raauwkost en broccoli
Mor wat bie heupen der af goan was
Kwam bie kont der rad weer bie

Refr.

Hiltje, hiltje, hol mor op