De balloade van de dooie zeehond
Alex Vissering
Continues after the ad
Refraain:
As de zunne in de golven verdwient
Din ligt doar op t wad, n zeehond dood te goan, n zeehond dood te goan
De horizunne dij is dr bie en kleurt zien kleuren rood
ainzoam mit zien aigen verdrait staarft de zee n hondendood
En aanderdoags is t stil
de grootste proaters swiegen
n kolle oorlog zunder woapens
Gain knonnen in veule riegen
wotter is gain wotter meer
en onze toukomst haangt
aan n zieden droad zo aibels dun
ik bin ook stil en baang
Continues after the ad
n Jan van Gent vlaigt deur n woas van nevel en verdrait
n hoeler is zien mouder kwiet
zai is dood dat wait e nait
Veurdat dizze dag zien end vonden het in de nacht
kleurt horizunne zien kleuren rood
doezend zeehonden dood
Loat onze Noordzee leven as t kin
loat onze Noordzee leven.........