Ah L'ammore Che Ffa Fà

Mamma te chiamma serpe tentatore
E, 'mpietto, mm'ha cusuto na figura...
Ll'avría sapé ca giá mm'ha fatto, 'ammore,
Femmena 'e munno...e só' na criatura.
Ah, ll'ammore che fa fá!...
Ma ll'ammore è na bannèra,
Na bannèra ch'è liggera,
Cagna 'o viento e 'a fa vutá...

Tanto che ce abbracciajemo e comme fuje
Cha figurella 'a pietto se stracciaje...
Cercammo scusa a mamma tutt'e duje
Ca na jastemma 'e mamma coglie assaje.

Ah, ll'ammore che fa fá!...
Ma ll'ammore è na bannèra,
Na bannèra ch'è liggera,
Cagna 'o viento e 'a fa vutá...

Só' ghiuto ascianno n'erba avvelenata:
Mme voglio avvelená si tu mme lasse.
Tu avisse la nutizia pe' la strada,
Currisse â casa...e morta mme truvasse.
Ah, ll'ammore che fa fá!...
Ma ll'ammore è na bannèra,
Na bannèra ch'è liggera,
Cagna 'o viento e 'a fa vutá.

Ma ll'ammore è na bannèra,
Na bannèra ch'è liggera,
Cagna 'o viento e 'a fa vutá.