Valor Dum Lagrima (feat. Robbie Brito)

Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada gota de sór ten
Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada lágrima ten

El txgá na kaza, el ba pa kzinha
Desfomeóde el destapá panéla
Nada ka tinha, el grita se mai dun janéla
Ô, mama, oje la ten almôs?
Se mai dzê-l: La na kel tjéla
El destapá el dzê: Môs, mi ka ta gosta de muéla
Se mai finji ka skutá, el kontinua frente de se novéla
Mnin na tude ta resmungá, el ta kontinuá nakéla
El ka ta kmê kel kmida nada, nton, el ba frita un frikandéla
Se mai lavantá flipada, grasa so de pegá-l na guéla

Trivida! Ken k'é bo pa diskuti kmida?
Bo t'oiá sekrefís ke no ta fazê k'é pa po un panéla riba
I bo ka ta da valor a nada
Bo pai ta matá vida na kurrida, madrugada
Ann?! U-k'é ke tê-be iludida?

Se mai ta txora, el ta perguntá se kulpa é de-seu
El ta orá, el ta pdí pa séu: O, Pai, Deus meu!
Asves mai é n'é kulpóde, purke já-l da tude, al fazê txeu
Ma bo ta konxê kurasãu de mai, mesme sen kulpa el sintí réu

Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada gota de sór ten
Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada lágrima ten

El kre sapatilha ke ta na móda
Móda kel k'el oiá broda de fote prete ta kantá kel
Ke kel mesme marka i mudel
Nto, el pdí se mai el: Mama, es ti ta vendê-l
Bo prometê se N ta pasá bo tava oferesê-m el
Nton, se mai respondê-l: Ma, fidje, bo ten ke intendê-l
Es sapatilha é txeu dnher i mi nes mumente N ka tê-l
Ma boys ka kris konprendê-l, el txiá, el manda bóka
I el kabá pa ofendê-l, se mai kris so ranká-l pel

Mal idukóde dun N ka sabê kzé! Oiá bo konportamente
U-k'é ke bo kre pa N fazê, an, é pa N ba robá na jente?
Es sapatilha ke bo kre é kuaze metade de nha vensimente
Despos u-k'é ke no ta kmê? No ta da pédra na dente?

Mei deziludide ke akel konvérsa i konportamente de kel fidje de-seu
El dzê-l: Po juis nes kabésa, kel é n'é so pa po xapéu
Se mai é n'é kulpóde, purke já-l da tude, el fazê txeu
Ma bo ta konxê kurasãu de mai, mesme sen kulpa el sintí réu

Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada gota de sór ten
Kónde bo ka sabê undê ke nada ta ben
Bo ka ta sabê da valor, bo ka ta sabê da valor
Kal k'é valor ke kada lágrima ten