Wandaly

Anba pye mapou a wandali se leman (2 fwa)
Menm lè’m nan dòmi, lè m’ap reve
Se Wandali m’ap love, tèt mwen chaje
Bò bougenvilye a li di’m sizè tapan
Sou gwo wòch galèt la m’ap tann li tou dousman
Depi van soufle kap mwen monte
Se mètrès grandou’m nan ki pral rive
Wandaly fè solèy kouche
Menm Lalin panike
Wandaly klere

Lòt jou nan rivyè a nou t’ap tire lobe
Wandali parèt menm lè a jwèt la gate
Pye wandali bèl an verite
Se nan plas rivyè a m’santi’m ta ye
Anba pye mapou a Wandali se leman
Grandou’m pran nan van, se nou de’k pran nan leman
Nou rive nan syèl pi pre bon Dye
Kot van lanmou sèl ka pote’n ale