يا ويلي عليها

يلي بعدك مافي غالي
ولا قبلك عدّى عليّ
تسواك الروح وكل مالي
بعطيك قلبي لو بإيديّ

يا عيوني الحب أنا ما عرفته
لو ما عيونها شافوا عينيّ
وخطفولي قلبي وما ردّوا
لمّا بإيدها سرقتلي إيديّ

يا ويلي عليها
شو حلوة عينيها
سرقتني وسرقت قلبي بلحظة وقعت أنا فيها
آه يا ويلي عليها
شوفوا كحل عينيها
شوفوا كل تفصيل بوشّها الضحكة
ورمشها وشالها يلي مخبّيها

وعلى بيت الزينة دلّوني
وبخصلة شعرها جدّلوني
وحدّ حفّة بيتها غفّوني
لحتى تحنّ يوم عليّ

وأنا شفت عيونك نادوني
كيف بعد النظرة يردّوني
مين يملى عيونك يا عيوني
لو ما أنا ملّيتها بعينيّ

ويا ويلي منك يا بنيّة
على مهلك خفّي شويّة
على كحلك ميّت شي ميّة
وأنا أوّل مين مات بحبّها

تعوا حطّوا الكون كلّه قبالها
أنا ببيع الدني براسمالها
يخسى القلب يلي ما يختارها
وخاب لو مال بحربها

يا ويلي عليها
شو حلوة عينيها
سرقتني وسرقت قلبي بلحظة وقعت أنا فيها
آه يا ويلي عليها
شوفوا كحل عينيها
شوفوا كل تفصيل بوشّها الضحكة
ورمشها وشالها يلي مخبّيها