Marboot Be Astek (مربوط بأستك)
Cairokee
نفس المكان بس اليوم جديد
نفس الحفلة وأنا كالعادة وحيد
نفس البنات والحكايات
مع إختلاف الأسماء
مزيكا بترقص
زحمة تفطس
والناس على بعضيها بتبصبص
ده بينفسن
دي بتلسّن
والجو مكهرب ومتنشن
دخلت واحدة شكلها غيرهم
باين أوي إنها مش منهم
أجمل واحدة من غير مجهود
لابسة عادي وشعرها مربوط
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك
عيني جت في عينيها وحصل زلزال
وشبطت فيها زي العيال
بس العيال كتيرة وبيسفوا وبيعاكسوها
ويستفزوا ومع المزيكا بيهزوا
اللي ضرب شوتين والجرأة سايقاه
واللي شدّ لاينين والثقة واخداه
هدوم غالية وناس رخيصة
وكلّه هايص أكيد في الهيصة
عيني جت فى عينيها من جديد
إتكسفت بصّت بعيد
حصلت مفاجأة
فكت شعرها فجأة
وسط المكان
بعد ما كان
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك[اللازمة]
حاولت أفتح كلام معاها لكن تنحت
بصتلي بإحتقار من فوق لتحت
قلتلها أنا غيرهم
أنا مش منهم
وأتاري امفيش فرق بيني وبينهم
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك