A Drop of White - Noaata Beida (feat. Abdelrahman Roshdy)

في صوت جوايا بيناديني من بعيد
سامعه وعارفه كويس بس أنا عامل عبيط
نقطة بيضا فوسط سواد إنسان بينادي جماد
هو البراءة والسذاجة وأنا الدنيا الكدابة
عايش معاه فسجن وأنا السجان
معايا مفاتيح كل البيبان لكن جبان
أنا الجاني والمجني عليه
أنا كل الأسباب ولسة بسأل ليه

هو أنا وأنا هو
هو حرب دايرة جوا
جوا مني وبتقتلني
مهما جريت أو هربت
هو أنا وأنا هو
هو حرب دايرة جوا
جوا مني وبتقتلني
مهما جريت أو هربت

جوايا اتنين وأنا التالت
والتالت دايماً ساكت
سلم بطل يتكلم
ولا بيحس ولا بيتألم
جوايا عقل وقلب
دايماً عايشين في حرب
قلبي حاسس بالذنب
وعقلي واخد جنب
والدنيا ماشية عكسي
لفيت ومشيت معاها
وبعت أنا نفسي
نفسي خليتني أنساها
ولبست وشوش تانيين
نسيت فالأصل أنا مين
فقلت أرجع من تاني
النفس اللي بتعاني

هو أنا وأنا هو
هو حرب دايرة جوا
جوا مني وبتقتلني
مهما جريت أو هربت
هو أنا وأنا هو
هو حرب دايرة جوا
جوا مني وبتقتلني
مهما جريت أو هربت

عجبي عليك يا زمن فينا مش سائل
وانا اللي أستاهل صدقتك
ومشيت وراك لحد ما سبقتك
بصيت ورايا لقيتني وحيد
في وش المدفع مش عارف أرجع