Zaman El Kalam
Cairokee
كل ما تيجي الفكرة تروح
كل ما بوصل لحتة بتوه
كل ما أشرب من كاس العلام
يتسرب من عقلي بقية الكلام
والوقت بيجري مني جامد
إنهاردة بقى إمبارح بقى كله سايح
سايح سارح في التلاهي
سارح في المسارح والمشهد هزالي
ما بقاش فيه فن يغذي الروح
ما بقاش فيه حد يخاطب عقلي
ما بقاش فيه حد يريح قلبي
قلبي بقى مليان
مليان جروح
كله فاضي
كله عادي
كله سارح في الملاهي
كله تافه وبيتباهى
كله عايش لنفسه أناني
كله ما لوش تفكير غير المشاهير
بأقل مجهود بدون تبرير كل شايف نفسه مدير
كله نفسه يبقى كبير على الفاضي
كله سراب كله تراب
كله عايز يبقى كبير على الفاضي
كله سراب كله تراب
سلام سلام يا زمن الكلام
سلام سلام يا زمن الكلام
سلام سلام يا زمن الكلام
سلام سلام يا زمن الكلام
ما بقيتش بطيق الناس
زي القروش بيشموا ريحة الدم
لو إنت طيب تنداس وأنا اللي بشيل الهم
التاريخ علمني إن الحياة بتلف في دايرة مقفولة
حتى الساعة اللي عقاربها واقعة ممكن تبقى لسه موقوتة
بس العقرب اللي سم جسمي سمه لسه موجود
عايش في صحرا واسعة كبيرة العلم فيها ما لوش وجود
كله فاهم كله شايف كله مغمض عينه ونايم
كله ماسك في حاجة وسايب سمها يجري فيه
بفرغ طاقتي السلبية زي الرصاص
ساعات بترد فيا، ساعات تضرب في أعز الناس
فأكتم فيا الأذية وتنفجر جوايا
كان نفسي تكوني ليا بس للأسف مفيش معايا
غير أفكار بسيطة سهلة وبإتنين جنيه إبتكار
والليلة فيه كابوس بيزورني في نفس الميعاد
بيعرض فيلم بطولته فشلي وكل يوم عمال يتعاد
ولما الشاشة بتسود بقرا قصيدة بتقول
هتصحى عجوز في جسم شاب
على ضل حلم على جبل عتاب
على عين ما شافتش غير إكتئاب
بيني وبين نفسي ميت ألف حساب
سلام سلام يا زمن الكلام
سلام سلام يا زمن الكلام
سلام سلام يا زمن الكلام
سلام سلام يا زمن الكلام
لو فاكر هتحاسبني فكر مرتين
إنت زيك زي إبني معلش إسمحلي أقولك كلمتين
واحد، ما تحاولش تقيمني كتير عشان ما تتعبش
إتنين، عمرك ما تقارن نجاحي بمحتوى هابط فاسد جدره هش
فقبل ما تحاسبني بص لنفسك في المرايا
وإعرف إن السجن اللي جوة مخك مش هيفرق كتير معايا
وآخر نصيحة عندي هقولهالك
لو ليك نصيحة ليا أحسنلك تخليهالك