Ja' me tem luz dum estrela
E na nha caminhada
Dinha lua ta vigià
Pa tudo di bom
Ser v'rado prata
Pa um manto leitoso
Acolhê nhas posse

Bem divagarim
Brisa ta sussurà-me
Qu'ess dor di meu
Ta ser sepultode
Na imensidao di bonança
Dess note tao clara

E antom
C'tudo nha paz reecontrada
Um ta podê segui rumo
Di nha estrela
Qu'jà pô ta brilhà na ceu
Di nha infortuna
Pa d'ze'me c'ma nha sina
Ja mudà