Wie Du Widder Ussühs

Ming Mamm, die kann et nit verstonn
dat mer dreckelich wäden, wann mer spille jonn
Se süht uns jähn fing usstaffeet janz propper un sauber, wie frisch lackeet
Su föhle ich mich ävver nit wohl
Su kann mer nit spille, nur stell setze om Stohl
Un alles nur wäjen de andere Lück, die sin mer ejal, leev Zick!
Ich well mich beweje, wie et mer pass, söns määt doch alles keine Spass
Die Mamm, die kennt do ävver nix, kennt ihr die Prädisch, Minsch verflixt?

Wie du widder ussühs, Pitterche nä!
De Hoor zerrupp, de Botz kapott, nä nä nä!
Beluur d'r ens ding Häng un dinge dreckelije Schnüss
Jlich kütt d'r Onkel Fritz, jangk en et Badezimmer, tschüss
Un maach d'r ens e fein Frisürche, m'r maache nämlich jlich e Türche

Des Sundachs es et besonders schlemm
dann säht se schon morjens met lauter Stemm
Dä blaue Anzoch weed hück anjetrocke un dozo nimmste de wiesse Socke
Die lijen om Desch, sin frisch jewäsche
un loss de Häng ens endlich us de Täsche
doch et kütt dann immer, wie et kumme muß
irjendwann am Daach es met dem Schönsinn Schluß
Do verjeß ich üvverm Spille, dat mer Sundach han
denn beim Spille kütt et jarnit op et Schönsinn ahn
Dann säht se zo mir, ehr kennt dat Stöck dat määt mich noch ens janz verröck