Mädcher Polka

Ich kannt e Mädche us Ihrefeld, dat wollt nit mich, dat wollt mih Jeld
Dann kom et Moni us Nippes aan, doch dat hatt vüren janix draan
Et Hildegard us Vogelsang, dat hatt en Nas, die wor vill zo lang
Et Wally kom vun Poll doher, dat wor nit schläch, nur vill zo schwer
Ich han jo su vill metjemaat, un jetz stehs Du vür mir

Ich sök sulang ald e Mädche wie Dich
Du bes jenau dat Richtige für mich
Wat sull ich dann maache, mih Hätz spillt verröck
Mädche, Du fähls mir zom Jlöck

Ich trof e Mädche us Wesseling, dat kniff mir en mih Dingeling
En Schreinerwitwe us Erkelenz, die kunnt ich han met sibbe Pänz
Et Zill us Niederkassel - Rheydt wor e'mol nur en d'r Woch bereit
Dat Annemarie us Bocklemünd jing in et Kloster ohne Sünd
Ich han jo su vill metjemaat, un jetz stehs Du vür mir

Ich kannte e Mädche us Grevenbroich
dat jing direkt mem Scheckbooch durch
En Burefrau kannt ich en Nüüs, die wor krabizich wie en Bies
Beim fussich Julche en Hangelar, hatt ich et schwer aan d'r Prostata
Et gabilein us Nievenheim, dat nohm et naaks drei Kääls met heim
Ich han jo su vill metjemaat, un jetz stehs Du vür mir