Che Pueblo Porã

Ajúnte rohechami mombyry asyetégui
Heta rohechaga'u, nde, che pueblomi
Tamyasãimi nde rokáre che py'aitégui
Che purahéi kunu'û ryakuã pacholi

Bandada korochire péina che moirûma
Aponderami haguã ne marangatu
Akóinte hyakuã porã
Mayma nde yvoty mitãkuñaita
Ha itekove ne mitãrusu
Che pueblo porã
Vy'águinte che rasê
Ahenduvove ne campana pu
Ha péina pype hekoviapaite
Ko techaga'u

Péina Arasaty
Hovái Costa Hû ha Paso Paré'
Péina Rincón'i, Cerro Tatukua
Ha Isla Pa'û che vy'ahague

Oime Cordillera
Yvága rovái ñu hovy porã
Pépe opurahéi ku Salto Cristal
Ko che purahéipe tamoherakuã

Tapurahéi Tacuary, cuna del Centauro
Hovái oime Minas Cué mandu'aiteha
Upépe oikova'ekue ku Cañón Cristiano
Heta ñane-defendé pe Guerra aja

Oime avei Entre Ríos, Ysyry Pa'ûme
Kurukáu ha Ytaypá chupe ombojegua
Ha upe pueblo rembe'ýre
Ikoni koni ku Paso Sabrá
Omboguepaitéve ku mbyry'ái
Ysyry porã
Vy'águinte che rasê
Ahenduvove ne campana pu
Ha péina pype hekoviapaite
Ko techaga'u

Péina Arasaty
Hovái Costa Hû ha Paso Paré'
Péina Rincón'i, Cerro Tatukua
Ha Isla Pa'û che vy'ahague

Oime Cordillera
Yvága rovái ñu hovy porã
Pépe opurahéi ku Salto Cristal
Ko che purahéipe tamoherakuã