Che retã jeguakára

Avy'a, che Paraguái
Hetahárema aguyguy
Ha ajuhu ne ñasãindy
Iporã ndaijojahái
Tetãpýrehe iñasãi
Hendypu satî asy
Apeguáicha yvagapy
Mamove ndajahechái

Ñahetû umi ñu ryakuã
Jaikovejey pyahu
Ha vokóima mborayhu
Oikarãi ñande py'a

Ha mamo tajahecha
Ha mamo tajajuhu
Hayhupýva yvoty ñu
Che retãmeguaichagua

Ñag̃uahê ku pyhare
Mombyrýgui tajaju
Ha jasy tajajuhu
Maro'ỹgui Iporãve
Toiko ve ñande rete
Toguepa techaga'u
Ha tove tetãrayhu
Tojajái ñande pype

Yvotýpe oñeñuã
Henimbékatu ysyry
Ha imimbípe kuarahy
Pyharérõ ombojegua
Ha mamo tahasaha
Hyjuipóva yvagapy
Ha iporãva ñasãindy
Paraguaipeguaichagua

Ñahetû umi ñu ryakuã
Jaikovejey pyahu
Ha vokóima mborayhu
Oikarãi ñande py'a
Ha mamo tajahecha
Ha mamo tajajuhu
Hayhupýva yvoty ñu
Che retãmeguaichagua

Ñag̃uahê ku pyhare
Mombyrýgui tajaju
Ha jasy tajajuhu
Maro'ỹgui Iporãve
Toikove ñande rete
Toguepa techaga'u
Ha tove tetãrayhu
Tojajái ñande pype

Yvotýpe oñeñuã
Henimbékatu ysyry
Ha imimbípe kuarahy
Pyharérõ ombojegua
Ha mamo tahasaha
Hyjuipóva yvagapy
Ha iporãva ñasãindy
Paraguaipeguaichagua