Genoat

Genoat...
Genoat.. zo klonk 't vrouger in de stroaten
Genoat...'k heb mooie dikke, 't gaait per kop
Genoat...as ik ze zai din kin 'k 't nait loaten
Ik neem 'n stuk of wat in d'haand
De toavel leeg, op 't zwilk 'n kraant
En onder 't doppen eet 'k ze aal op

'k Zai hom nog rieden met zien widde jaske
Mit op zien kop 'n klep-pet van formoat
En in de verte heurde je hom al belken
En ik noar Moeke, heur es, is genoat
Din mit 'n kom de deur oet over 't brugje
Doar kwam e aan, moi zee ik, geern vol
Din zaten wie gezelleg in d'ol keuken
Wel dat nog mitmoakt het, dij wiat woar ik van hol

Genoat...lutje juweeltjes van de zeeen
Genoat...was ik mor traauwd met 'n zeemeermin
Genoat...wait ie wat mien olden destieds deden
De doppen werden altied dreugd
Ik roek de lucht nog oet mien jeugd
'n Handjevol bie d'hounder in

Op zundagmiddag even noar Termunten
Of as 'k op 't Hogeland bin even noar Lauwersoog
Din koop ik mie 'n lekkere zolde heern
Pak hom bie 't staartje: kop gaait wat omhoog
Hai glee noar binnen, o man wat smouk e lekker
Din moutve op hoes aan want 't wordt al loat
En onderwegens 't gekwedel van mien Gittje
Mor in de kaddebak 'n dikke puut genoat