Rah Nebga Sawa
Fairuz
Continúa después del anuncio
من يوم اللي تكَوَّن يا وطني الموج كنّا سوى
لَيَوم اللي بيعتق يا وطني الغيم رح نبقى سوى
تاجك من القمح مملكتك السلام
وشعبك بيحبّك لتبرد الشمس وتوقف الإيّام
عَ رْماد اللي راحوا عَ خاتم الزمان
عالحجار السود اللي بِقْيُوا من الحيطان
عَ مَنديلك إمِّي عَ بْواب البيوتْ
عم بكتب يا وطني الوطن ما بيموتْ
وإنتْ إنتْ من يوم اللي كنت إنتْ
رَسَمتك سَنَابل شُهَدَا وحمامْ
رسمتك يا وطني وطن السلامْ
Continúa después del anuncio
من إيدين الفُقرا وشْبَاك الصِّيادينْ
جايي الحرِّية
ومن الشمس المحفورة بعيون المظلومينْ
جايي الحرّية
ومن الحقّ الضايعْ من دمّ الشوارعْ
من شُهدا الأرضْ, اللي ماتوا للأرضْ
ووجوهُن منسيِّةْ
جايي النصر وجايي الحرّية