A Nacia Gomi (feat. Nacia Gomi)

Txoma-m Maria Nacia Correia
Mudjer dja bedju ki bali inda
Nhos nu obi konsedju ke sa ta da-nu
Pa nu mostra mundu kel ke berdadi

Djobi li mosinhos
N teni konsedju pa N da nhos
Kel ô ki nhos odja algen la
Ka nhos fla me algen
Ma dentu d'algen kê algen
Pabia di kê un ben pa bira mal
E mas faxi ki un mal pa bira ben
Amigu ki dána amigu
Amigu ki konpu amigu
Amigu ki máta amigu
Amigu mê ki intera amigu
Ka ten ningen ki fla mê ka si

Ah Nacia Gomi iê iê
Ah Nacia Gomi iê iê
Ah Nacia Gomi iê iê iê iê iê

Djobi li
Bô sta nobu na mosindidai
Buska bida na mosindadi
Kel ô ki dja bedju ka mesti mas
Na buska bida dja nu atxa-l
Nu konserba familia
Nu dikiri amigu
Nu rakada algen bedju

Pabia di kê mundu e lôlô, lokotanu
Suru, djêdjê, gingilani
Na sol ki pobri dja bira fartu
Ramoki e kama mal konxedu
Ter e mutu mas e ka na nada
E ti la na porta simitéri
E ta dadji kraki, ragatxa la
Mê so boas óbra ki ta subi seu
Ka ten ningen ki fla-m mê ka si

Ah ah ah ah, ah ah ah ah
Ah Nacia Gomi ah ah
Ah Nacia Gomi ah ah

Djobi dizaforu di mudjer mutu txeu
Ta buska so ku bu da ku pô
Pa nin ki nu sabi sô ka nu fasi!
Má tánbi nen ki nhu sabi so ka nhu fasi
Porkazu e pekadu mortal
Pamodi un omi ki ten fidju k'un mudjer
Pe paga-l obrigason e sô sê kenta-l ku dinheru

Txoma-m Maria Nacia Correia
Mudjer dja bedju ki bali inda
Nhos nu obi konsedju ke sta da-nu
Pa nu mostra mundu kel ke berdadi

Mi Nacia Gomi, kantu N ba Vila Tarafal
N atxa gentis Dia ta máta porku
N fla gentis Dia pa bende-m karni
E fla ma sê karni ma sta mutu gordu
N fla-l ma nha dinheru sta mutu txeu
E fla ma si karni ma sta ben pezadu
N fla-l ma nha dinheru ma sta ben kontadu

Nha fidju mi dentu pelorinhu (...)
Kantu N ke sakedu pê ba djobe-l
N atxa branku ta ba Lisboa
Lagua na odju, lensu na mon
Rostu pa mar, kosta pa tera
Si pê na boti, mô na dinheru
E ten xintidu pa fidju kauberdi
Kantu ki N pergunta-l kela e pamodi
E fla-m me ka ten modi ka fasi si
Porkazu me staba nobu na mosindadi
M'el me djanta amor, mê almusa krénsa
Me si ke sonbra baxu pe di balanta
Pa djobi deta baxu pê di sodadi
La na figêra-purtugal
Ki bitxu txon ta kumê n'el
Ki rastu grandi ta ba karaka

Ah Nacia Gomi iê iê
Ah Nacia Gomi iê iê
Ah Nacia Gomi iê iê iê iê iê

Nhos nu bai Nhu Santu Nomi na Bal da Kusta
Nu ba 18 pa Boa Speransa
Nu ba 24 pa Nhu Sandjuan
Nu ba 25 pa Nhu Santiagu

Txoma-m Maria Nacia Correia
Mudjer dja bedju ki bali inda
Nhos nu obi konsedju ke sta da-nu
Pa nu mostra mundu kel ke berdadi

Mê la di riba ke nha morada
Tabaku sabi na tabakeru
Leti txeu na buli grandi
Ku nha boi gordu ta pila kana
Dentu d'algen kê algen
Ku nos tradison pa nu mostra mundu
Pa nu mostra mundu kel kê verdadi
Pa nu mostra mundu kel kê verdadi
Pa nu mostra mundu kel kê verdadi...