Mudjer Trabadjadera

Siza é mudjer trabadjadera
Riba kutélu sima el ma N ka odja
Siza é mudjer trabadjadera
Riba kutélu sima el ma ka ten

Labanta sedu m'e tra-m midju d'agu
Mô na pilon, e pila e fazi kuskús
E panha lata, e ba rubera
M'e intxi póti, Siza ba panha lénha
E txiga kaza, e pega na basora
Siza bari ti txiga boronsera
E panha nxada, e kóre badóndu
E subi txada, Siza ba monta padja

Ami N bai la na Praia Maria
Mudjer sima Siza N ka odja
Ami N subi la sidadi Somada
Mudjer sima Siza ka ten
Ami N bai na Portu Santiagu
Mudjer sima Siza N ka odja
Ami N subi na sidadi Tarafal
Mudjer sima Siza ka ten

Siza mudjer trabadjadera
Riba kutélu sima el ma N ka odja
Siza é mudjer trabadjadera
Riba kutélu sima el ma ka ten

Ami dja N pidi mama ku papa
Dja N manda fla-s p'es ba pidi noiba
Fladu ma Siza ten dizóitu anu
Ma dja e sta prontu p'e ser dóna di kaza
Mama dja fla-m, papa dja fla-m
Pa N marka féria pa N ba odja Siza

Siza é mudjer trabadjadera
Riba kutélu sima el ma ka ten

Siza mudjer trabadjadera
Siza, mi N kre kaza ku bo
Siza mudjer trabadjadera
Ma, Siza, é bo ki N kre

Siza mudjer trabadjadera
Siza, mi N kre kaza ku bo, kaza ku bo
Siza mudjer trabadjadera
Ma, Siza, é bo ki N kre
Bo ki N kre

Siza mudjer trabadjadera
Siza, mi N kre kaza ku bo
Siza mudjer trabadjadera
Ma, Siza, é bo ki N kre

Siza mudjer trabadjadera
Siza, mi N kre kaza ku bo, kaza ku bo
Siza mudjer trabadjadera
Ma, Siza, é bo ki N kre
Bo ki N kre