Séw mwen enmé

Vag a lanmè
On jou ké monté an syèl
E menm si lakansyèl
Rivé on jou a ni on sel koulè
Menm si an mò
Sé zié rouvè
Pou mwen mé vwè-ou dépi lot koté-la

Ay lanmou mwen ka ri
Chimen-aw bout an kè an mwen
Zéklè lannuit soley yélé
Séw mwen enmé

Lélé a lélé
Lélé a lélé
Lélé a lélé
Séw mwen enmé

Lè balawou péké volé si lanmè
E par milié yo ké vini lannuit volé an syel annou
Lè jou wouvè
An ja enméw
Jistan zetwal péké bryé
Ay lanmou mwen ka ri
Chimen-aw bout an kè an mwen
Tanpi pou sa ki rivé
Séw mwen enmé

Lélé a lélé Lélé a lélé
Lélé a lélé
Séw mwen enmé

Si mwen té pé
E si bondyé té vlé
Mwen té ké vlé
Kré-éw ankò avè pousyè dlo épi van
Poud a zetwal
Wozé divin
Briz a lanmè pou-ou pa viéyi

Ay lanmou mwen ka ri
Chimen-aw bout an kè an mwen
Zéklè lannuit soley yélé
Séw mwen enmé
Lélé a lélé Lélé a lélé
Lélé a lélé
Séw mwen enmé