Ka Ta Da

N sa ben konta nhos un stória
Un stória tristi
Sin, pamodi é tristi ki ómis ta txora
Kantu bes ki N txora
Kantu bes k'es diskrimina-m so pamodi nha kor di péli
Es txoma-m di mandjaka la skóla, N txora, N txora
Inda más tristi óki es disprezu ta ben di bu própi rasa

Mamadou sai di Giné ku 20 di idadi
Ben pa CV ku munti planu muda rialidadi
Déntu Bisau dexa famílias tudu ku sodadi
Ku speransa Mamadou muda nisisidadi
Déntu di Praia Mamadou grandi trabadjador
Ta koba txon déntu di sil, mon karegadu suor
E tra di bolsu fotu di si mai, láguas kai
E fla tudu ta muda, sinku anu N ten ki bai
Mamadou munti bes dja pasa mal
Oji é dia ki patron na pagamentu njuria-l
E na zóna tudu dia jóven so ta ngisa-l
Es ka ta ruspeta-l so di mandjaku es ta txoma-l

E fla mi é fórti, ma ka ten nada más ki ta para-l
Pa se família trabadju ka ta mata-l
Ma alves e ka ta guenta, lágua ta baza
Óki dor nvadi petu i kurason ta fala

Vivi nes angustia, manu ka ta da
Tratamentu móda bitxu, manu ka ta da
Fómi ku mizéria, manu ka ta da
Prekonseitu na trabadju, manu ka tada
Ser umanu ku djuda, ma ka ta da
Tristi rialidadi da vergónha fla
Ka bu txoma-m mandjaku, manu ka ta da
Afrikanu móda bo, nha manu kontrola

Ma e txora, tudu bes k'e lenbra na se mai
Sodadi di se téra ta po-l lágua kai
Ma e txora, tudu dia e sa ta pensa bai
E fla e sa fartu prekonseitu, na me sa ta bai
E txora, tudu bes ki jóvens ngisa-l
E fla m'e feiu ma se rostu é ka normal
Ma e txora, tudu bes ki enprezas sa splora-l
Ónti fazi más di un mes ma inda es ka paga-l

Ibraima é vendedor anbulanti
Ta anda zóna a zóna ku banhera na se dianti
Ta kata poku poku ma Ibraima sa konfianti
E fla sa djunta muéda paga se mai un transplanti
Se mai ten andadu na Giné déntu di ospital
Ibraima, nton, ka ta diskansa na si kabidal
Oji é dia kobra dívida, oji é fin di mes
Oji vizinhu ten ki paga fazi kuatu mes

Mi N ka ta debi branku, kifari pretu móda bo
Toma bu muéda, sai di nha pórta antis di N do-u ku mô
Nunka más trividu, mandjaku di nosekê
Ba bu téra makaku, sa txera mofu tanbê

E fla mi é fórti, ma ka ten nada más ki ta para-l
Pa se família trabadju ka ta mata-l
Ma alves e ka ta guenta, lágua ta baza
Óki dor invadi petu i kurason ta fala

Vivi nes angustia, manu ka ta da
Tratamentu móda bitxu, manu ka ta da
Fómi ku mizéria, manu ka ta da
Prekonseitu na trabadju, manu ka tada
Ser umanu ku djuda, ma ka ta da
Tristi rialidadi da vergónha fla
Ka bu txoma-m mandjaku, manu ka ta da
Afrikanu móda bo, nha manu kontrola

E txora, tudu bes k'e lenbra na se mai
Sodadi di se téra ta po-l lágua kai
E txora, tudu dia e sa ta pensa bai
E fla e sa fartu prekonseitu, na me sa ta bai
E txora, tudu bes ki jóvens ngisa-l
E fla m'e feiu ma se rostu é ka normal
E txora, tudu bes ki enprezas sa splora-l
Ónti fazi más di un mes ma inda es ka paga-l

Mariana txora, txora, txora
Tudu bes k'es txoma-l mandjaka
Mariana txora, txora, txora
Na koredoris di salas di aula
O ooo, s'e fitxa odju ki lágua ta pinga
O ooo, e fla m'e fórti e ka ta dizanima

E txora, tudu bes k'e lenbra na se mai
Sodadi di se téra ta po-l lágua kai
E txora, tudu dia e sa ta pensa bai
E fla e sa fartu prekonseitu, na me sa ta bai
E txora, tudu bes ki jóvens ngisa-l
E fla m'e feiu ma se rostu é ka normal
E txora, tudu bes ki enprezas sa splora-l
Ónti fazi más di un mes ma inda es ka paga-l

Dja ten ténpu un bokadu des polémika
Kel nómi asin, kel nómi ki es ta kumenta ku nos
K'es ta fla mandjaku, dja bu ntendi
Kel-la é un nómi ki pa mi N ta atxa ma é feiu