Selvas de Pedras

San Paulu, Lisboa, Marsélha, Tókiu, Praia
Kes li i otus sidadis na redór di mundu
Kaba pa tranforma na auténtiku sélvas di pédras
I ómis, ómis, ómis, ómis

Sélvas di pédra, undi dinheru sa ta mata
Amizadi ka ten, amor na petu sa ta kaba
Sélvas di pédra, undi vida dja perde xama
Pa subi la di riba, munti dja bende se alma
Sélvas di pédra, undi ka ten fraternidadi
Nisisidadi kaba, gósi é luxu ku vaidadi
Sélvas di pédra sa xeiu silebridadis
Skravu di kaza grandi ki inginora liberdadi

Nos stória sa stanpadu na ieroglifis
Glória idifikadu perpetuadu na piramedis, identidadi
Un mar di róza di verdadi
Ki sa kaba na prufundéza d'alma di kes ki ta abita na sidadis
Na sélva di pédra, maiór filinus torna padri, maiór perigu sa bu dianti
Ómis bon, di bon korason, sa na via di stinson
Ka adapta a imensidon, brankura ofuska ses vizon
Munti torna prézas fásil
Na sélva di pédra, tudu kuza ten padron
Bo é bésta atrazadu s'u ka ten tilivizon
Ekonumia la di riba maiór fin di idukason
Nu sa ta mata nos pai i pidi benson na sifron
Sekularizason, divindadis sa na kéda
Kel globalizason rivindika bu kabésa
Si bu respirason é sima di sélva di pédra
Nton, bu pulmon ka présta, si petróli un dia ben seka

Sélvas di pédra, undi dinheru sa ta mata
Amizadi ka ten, amor na petu sa ta kaba
Sélvas di pédra, undi vida dja perde xama
Pa subi la di riba, munti dja bende se alma
Sélvas di pédra, undi ka ten fraternidadi
Nisisidadi kaba, gósi é luxu ku vaidadi
Sélvas di pédra sa xeiu silebridadis
Skravu di kaza grandi ki inginora liberdadi

Ka bali péna ba pâsia di madrugada
Pamó s'é ka rapás, pulísia ki ta da-u pankada
S'u meste trafikanti, nton, ba djobe-s na skuadra
Ma ka u djobe-s na séla, manu, es ki teni farda
Verdi kaba, é so siméntu i konkrétu
Munti alma ta kóre tras di dinheru
Vida inprivizível, bu pode perde-l na béku
Mórti torna invizivel déntu txunbu bóka bédju
Vivi, móre, móre, vivi, kóre, ténpu ka ta para
Kóre, sobrivivi, póbri na panéla ka ten nada
Si bu xinti, sorry, sigi, ka bu spéra nada
Ka bu spéra fada, panha inxada, nton, kumesa ta trabadja
Sigi lus ki ta pinetra entri aranha-séus
Munti skese di Jezús so pa ser sinplis ateus
Pa ser réus, kuréus, intxi tribunal
Munti véu, lágua txeu, fórti vida marjinal
Vive na sidadi ka ta piada, sa stafante
Konvivi ku txeu spértu ki ta kre pasa-u pa dianti
Munti igreja, munti boati, bóka fumu, munti skuadra
Munte swag, munti thugs, ómis di gravata
Vida duru undi idozu é solitáriu
Déntu di klaréza, tudu buru é dromidáriu
Na tudu skina es kre mete bu dédu na kadera
Manu, txeka skéma déntu sélva pédra

Sélvas di pédra, undi dinheru sa ta mata
Amizadi ka ten, amor na petu sa ta kaba
Sélvas di pédra, undi vida dja perde xama
Pa subi la di riba, munti dja bende se alma
Sélvas di pédra, undi ka ten fraternidadi
Nisisidadi kaba, gósi é luxu ku vaidadi
Sélvas di pédra sa xeiu silebridadis
Skravu di kaza grandi ki inginora liberdadi

Sélvas di pédra, undi dinheru sa ta mata
Amizadi ka ten, amor na petu sa ta kaba
Sélvas di pédra, undi vida dja perde xama
Pa subi la di riba, munti dja bende se alma
Sélvas di pédra, undi ka ten fraternidadi
Nisisidadi kaba, gósi é luxu ku vaidadi
Sélvas di pédra sa xeiu silebridadis
Skravu di kaza grandi ki inginora liberdadi

Sidadis é ka pátrias
É na interior ki bu ta nkontra karáter i místika dun nason
I grandis ómis ta dexa se spiritu mara na téra virjens i sensatas
Kes ki ta imana brilhu ki pédra pulidu di kapital ka ten, ka ten