Mi Ma Mi

Um tem um dor dent na mim
Dia a dia ta abrim nha corpe
El ca tem principio nem fim
Nem um ca sabe donde kel tá

Ma um cosa mim sabe de certeza
Sempre el tive junto ma mim
E ma mim sempre el ta fca
Sem mim el ca nada
E sem el um ca ninguêm

Ca bô pensa mal de mim
Se vida ca cre levam ma bô
Um ca pdil pom fca
Ê nha dor quê mas forte di qui mim

Leme de nha vida ta na sê mom
El ê capton pa tud temporal
El ê marinher pa tud navio
E amim bô scravo resignod
Sima bô nha Deus eternizob

Na bô ragoce um cá tchorá
Nem nha bos broce um ca sorri
Nos paraíso sofrê um abol
Cada um fca na sê moroso

Ma nenhum abismo pode separone
Grito dum vulcão sempre juntone
Ma hoje distin mandam pam tchorob
De certeza um ta afirmob
Ma mim nha folgo ê pam cantob