Nos K Nos

Sibiu y sô (Golden Music)
Kel é pa tudu berdianu spadjadu na mundu
É nos k'é nos

Dés Ilha maravilha, Kabu séku, Verdi ô rusu nos povu ta brilha
Melanina ta ilumina, Limia Lina ku Juaninha na sukuru
Juru, trabadju duru, mas txeu ka txiga, poku resta
Y na nos fésta é rapasinhu, fixon ku tosinhu, kumida avontadi pa tudu mosinhu
Hey, nos nu ka ta fladu nen nu ka ta dadu, nu ka mal konxedu nen nu ka rabés
Nu ta manti brandu, sénpri na nos kantu, mas si nu mexedu un ta bira dés vês dés, yes!
Nu sabe entra, sabe sai, si ben dja nu pode bai
Nu ka fidju di dôs pai, róstu altu undi nu bai
Toma bensu na nos mai, nu ta genge ka ta kai
Bóka fédi, língua prétu na nos ka ta sobresai

É nos k'é nos, é nos k'é nos
É nos k'é nos, é nos k'é nos
Eeeh-eh, eh-eh

É nos ki ta manxe sédu na lugar
Ma nos ki ta pila tornu na luar
Eh-eh, eh-eh, eh-eh
Eh-eh, eh-eh, eh-eh
É nos ki ta fitxa inxada déntu mô
Ma é nos ki ta pila badju kotxi pó
Eh-eh, eh-eh, eh-eh
Eh-eh, eh-eh, eh-eh
Eh-eh, eh-eh, eh-eh
Eh-eh, eh-eh

Fladu fla ka ta skrebedu, N skrebe kel ki N fladu, N pinta N poi na kuadru
Palavras di nha avó, stórias di mi ku bo, nabégu antigu ki oxi N sa ben konta-bu
Fómi 47 undi ka tinha nen seti kifari azeti pa poi na katxupa
Txuba fadja, midju tora, padja kaba, fidju txora
Bitxu mangra, mudjer ora, inplora
Kume pon ki diabu masa, karkasa fidju inbrasa
Speransa dôs bokadu dadu di insisténsia na Sisténsia di mau gradu
Nu rizisti, prevalisi y oji dja nu vense
Bara di marmélu ka ta dobra
Kel ki Deus da, xuxu ka ta toma
Stória nu ta faze undi nu soma
Santanton a Brava, tudu zóna
Prétus finu dja nu pode goma

É nos ki ta manxe sédu na lugar
Ma nos ki ta pila tornu na luar
Eh-eh, eh-eh, eh-eh
Eh-eh, eh-eh, eh-eh
É nos ki ta fitxa inxada déntu mô
Ma é nos ki ta pila badju kotxi pó
Eh-eh, eh-eh, eh-eh
Eh-eh, eh-eh, eh-eh

É nos ki ta manxe sédu na lugar
Ma nos ki ta pila tornu na luar
Eh-eh, eh-eh, eh-eh
Eh-eh, eh-eh, eh-eh
É nos ki ta fitxa inxada déntu mô
Ma é nos ki ta pila badju kotxi pó
Eh-eh, eh-eh, eh-eh
Eh-eh, eh-eh, eh-eh