Man Na Obra

Den mi bario ti’ un señora bieu ku nan ta bisa tin un don
Parse k’e por wak futuro i hopi biaha e tin rason
E sa duna konseho i maner’i drecha situashon
Nan di e ta yuda ku problem’i peso te ku esnan di kurason

Riba un dia m’a top’ele kant’i awa te na Banda Bou
Ma pidié pronostiká si algun dia kos lo drecha pa Kòrsou
El a pensa un ratu, bista fiho rib’ e awa blou
I e kontesta ku el a dunami tabata: Bo sa yùfrou

Bo pregunta ta, poko kompliká
Un futuro no ta stipulá, ta bo mes t’ e shofùr designá
Un kos mi mesté konsehábo awe
Si bo ke pa Kòrsou floresé, traha p’e

Man na obra
Mustra poko wes’i lomba
Ta bo mes ta bo futuro, soda, lucha i traha hopi duru pa bo logra
Pasobra nos baranka ta kansá
Ai temp’ i kambio tin ku kuminsá

For di dia ’i nos enkuentro mi a keda kòrda riba dje
Su palabranan a keda manera un eko den mi kabes
Ta bèrdat ku ta tempu, algu nobo mester sosodé
I pa mi kuminsá n’ un bon kaminda mi ta start seka mi mes

Stòp di kritiká, si mi mes no sa
Un futuro no ta stipulá, ta mi mes t’e shofùr designá
Un kos mi mesté realisá awe
Si mi ke pa Kòrsou floresé, traha p’e

Traha p’e, floresé
Nos baranka ta kansá, temp’i kambio tin ku kuminsá

Kanta he, kanta he
Temp’i kambio a kuminsá, bati man si bo a ripará