Fè l ak Nou Tout

M fè l ak nou tout
Ki toujou sipòte m
Nan mache bwete, tonbe, leve, kòmanse
Gras ak nou tout
M grandi e m vin pi fò
M pran ni kout men, ni kout pye, tout ede m vanse
M fè l pou nou tout
Sa k di m te dwe rete
Maklouklou pa nan bounda w, w ap rele peze
M fè l san nou tou
Sa k di m gen foli fò
Sa k kritike mwen ki poko janmen tande m

Chache zetwal nan kaye m gwo lajounen
Solèy fè ti ba sou figi m ki te chifonnen
Benjamin se po fig, goud se ti monnen
Lè m jwenn se pa nou tout m ap kite konnen
Djaspora pa rezilta asansyon sosyal
Men move lavi, yo pa ka ba w twofe pou sa
Pran swen fanmi w, mete manje sou tab ou s on devwa, yo pa ka felisite w pou sa

M jwe ak anpil lèt pou m pa gonfle nan chif
Chak trak se trip mwen, m lage tou vif
M pa fè rap pou kòb, rap mwen plis sou bif
M al fè kòb pou m ka rap kif kif
Di m depi kilè desann mòn te mande efò
M vin pi fò, echèk mèt al chèche ranfò
M p ap pale de kò mwen sèlman chanje dekò. M ap toujou bat rekò

Se pa crack ki grandi men move deal krake zo m
M poko rive, yo di m fini
M redemare a zewo m
Anvan m tounen yon vye souvni
Yon bon moman nan yon foto
M ap woule sou avni
M p ap pran poto nan menm loto
Kontradiksyon m yo se sa k di m vivan
M pat dèyè diferan nan viv nan
Ilizyon, nan ti klik atis gouvèneman
Pye m te toujou atè menm lè lespri m nan van

M pa t jwenn sipò près nan kenn kontèks
M plen pwojè k bwè sitotèks yon pil gwo tèks
Ki vin banm on pil konplèks, m vin psikotèks
Siksè vin pi konplèks
Echèk ak chèk konn konèks
San mamote, m vin pale w de lwayote
Menm jan pou gide m lwa yo te
La lè yo t ap ban m kwa pote
Fanatik yo ret priyorite m
Menm si m te swete ekri m yo te
Anpeche kèk kriyote

M fè l ak nou tout
Ki toujou sipòte m
Nan mache bwete, tonbe, leve, kòmanse
Gras ak nou tout
M grandi e m vin pi fò
M pran ni kout men, ni kout pye, tout ede m vanse
M fè l pou nou tout
Sa k di m te dwe rete
Maklouklou pa nan bounda w, w ap rele peze
M fè l san nou tou
Sa k di m gen foli fò
Sa k kritike mwen ki poko janmen tande m

Ak on rap salè minimòm m pa nan tete lang
Lè m wè ki lè Evans Paul resi fin peye lwaye l
Chak fwa echèk fè m filalang
Ak laj k ap monte m oblije ranvwaye l
Zo m yo fin rèk, jenou goch mwen rèd
Do m fè mal, m pa ka plwaye l
Bò ronn m fè tèk, Rap mwen mèt mò rèd
Sistèm pa p ka anplwaye l

M pa t gen ase views sou YouTube
Klip mwen yo twoub, dizon m f on koub
Mèvèy pa fèt ak goud sof poud
Nan mitan dout, m te dwe fè doub
Viktim disiplin big dream
Kilti m, real team dream team
Pa vi n di m, pik vi m se fiti m
Respè pou sa k te kwè m lazy kou Big Jim

Rap mwen granmoun pandan l ap rajeni m
M se youn nan ra jeni k p ap ajenou, nan raje M viv se ra je nwi m
M ret ajen ni w p ap wè m k ap kache vi m, ou pap wè m k ap jemi