Tiré Mwen La

Mwen ka maché trankilman
Ka sonjé moman-la sòti pasé la épi dé zanmi, épi dé zanmi
Mwen tou sel ka maché an nwasè-la
Mwen entjet an ka vwè, an ka vwè, an ka vwè
Sa moun rakonté
Sa moun rakonté

Sa mwen pa té vlé la
Chivé drésé an tet-mwen
Gadé sa ki douvan mwen
Chien baré chimen an mwen
Ay!
Ka mwen pé fè
Pou mwen sa pé pasé
Mété tè si tet an mwen
Tounen chimiz alanvè

An rivé travèsé ka kouri, ka kouri, ka kouri, ka kouri
Gadé dèyè mwen ki sa man ka wè
Sé moun ki té la
An pa chèché konprann
Frison anlè mwen
Ka tann anlo bwi, man akséléré
Lespri ki té la
Zespri an do-mwen
Sa mwen pa té vlé la
Chivé drésé an tet-mwen
Gadé sa ki dèyè mwen
Lespri dèyè do an mwen
Ay!
Ka mwen pé fè
Poutan mwen pa té ka kwè
Nou sòti palé di sa
Mi yo la
Mi yo bien la

Souflan-

Mésié man santi man léjè, man léjè, man léjè
Man anlè, man anlè, man anlè
Yo ka pòté mwen
Yo ka pòté mwen
Man met mwen ka kriyé, ka kriyé, ka kriyé, ka hélé, ka hélé, ka hélé, ka hélé
Mi yo lagé mwen
Adan an twa-chimen
An ka wè an bouji limen
An zasiet a koté a'y
Epi an manman poul nwè
Es pou mwen yo mété sa
Woy!
MWen menm pa fen
Sé a kaz an vé rivé
Tou sa bien tro fo pou mwen
Tou sa ka dépasé mwen

An fini pa chapé
An rivé akaz
An kouché ka pran souf
Ka tranblé ka sonjé
Sa ki rivé mwen
Sa mwen sòti viv

Tok tok tok tok tok tok
Tok tok tok tok tok tok

Ki moun ki ka kogné la?
Ki moun?
Ki moun?
Mwen ni mar épi tou sa
Mwen ni mar épi tou sa
Woy!
Man ni asé
Bondié tiré mwen di la
Bondié vini sové mwen

Tiré mwen la!

Souflan-

Kè-
Tiré mwen la!
(Pé pa rété)
Tiré mwen la!
(Pa lé rété la)
Tiré mwen la!
Wo wo
Tiré mwen la!
An vlé sòti sé jou mwen ka atann
Tiré mwen la!
Tiré mwen la!
(Pa lé rété)
Tiré mwen la!
(Pé pa ankò, wo)
Tiré mwen la!
Tiré mwen la!
Tiré mwen la!
(Woy)

Tiré mwen la!
(Ò!)
Tiré mwen la!

An vlé sòti sé jou mwen ka atann
Tiré mwen la!
Tiré mwen la!
(Pa lé rété la)
Tiré mwen la!
(Pé pa ankò)