Lillah
Khaled
لله يا جزاير يا وردة الروح
نحلم يجي يوم عطر الحب يفوح
شوارع وحكايات تضحك في العينين
وتتدفأ ساعات في قلبك الحنين
وأنتِ خمسة عليك من الحسد محروسة
واحنا بين يديك نحلم بيك عروسة
ونشوف على بابك الغيمة تتجلى
من حبة ترابك نلبس أحلى حلة
لله, لله, لله يا لله
لله يا جزاير يا وردة الروح
نحلم يجي يوم عطر الحب يفوح
تنام بيوت الناس مفتوحة البيبان
وعلاش الحراس؟ على القلب المضمان
ونقدر من غير حشمة نخزر في عينيك
من غير ما نخاف منك ولا نخاف عليك
ونشوف على بابك الغيمة تتجلى
من حبة ترابك نلبس أحلى حلة
لله, لله, لله يا لله
لله يا جزاير يا وردة الروح
نحلم نجي يوم عطر الحب يفوح
وتتجمع القلوب لا غربة ولا فرقة
ولا دخان ولا دخان حروب تحت سمانا الزرقا
واللي عندو حمامة بحبة قمح وترضى
واللي عندو منامة يحققها في اليقظة
ونشوف على بابك الغيمة تتجلى
من حبة ترابك نلبس أحلى حلة
لله, لله, لله يا لله
اااه لله يا جزاير يا وردة الروح
لازم يجي يوم عطر الحب يفوح
ونصرخ بالمدى بالكلمة الهدارة
دم الشهداء ما راحش خسارة
مهما عشنا وشفنا خفنا وتخالفنا
بحبك بعد غياب رجعنا احباب
ونشوف على بابك الغيمة تتجلى
من حبة ترابك نلبس أحلى حلة
لله, لله, لله يا لله