Che Trigueñami

Che trigueñami reke pukavýva
Yvoty apytépe ne año peteî
Rohayhu porãgui aguahê nde ypýpe
Che mbarakapúpe romombaysemi
Nereimo'ãichéne la ajujevyha
Si ya nde pochýmava'ekue chendive
Ndasufrí mo'ãi la ne pore'ỹ
Ni la rejapova'ekue cherehe

Ndénte ikatu nderesaraipa
Triste palabra ereva'ekue
Ha chéve siempre oñepresentá
Ahenduvoínte la ne ñe'ê
Cheresarái, ndaipotái ere
Upévare aju romomandu'a
Reikuaahaguã la rohayhuha
Arojahe'o la ne ñe'êngue

Nemandu'ápa, mi vida
De un día sábado ka'aru
Jerokyhápe jaha joárõ
Ha ndajuvéima che nendive
Ha upéi domingo pyhareve
Pueblo rapére jajotopa
Aimo'ã'ỹre che mba'eve
Torypaitépe rosaludá

Ne tîndymínte ha cherasa
Ha upéigui chéntema ro-seguí
Nde rapykuéri roñañuãvo
Ne rembyasýre aporandu
Nde resaývaicha osyry
Erévo chéve mba'eveha
Jahupytývo yvyraguy
Japytami ñañomongeta

Jahupytývo kuarahy'ã
Che añuã ha che retûmba
Erépako chéve entre suspiros
Ñane mborayhu ko'ápe opa
En vez de ãicha che quebrantá
Jajehejántena ojuehegui
Si nde aveíniko rejuhúma
Rehayhuveva'erã chehegui

Upeguivénteko tesaýpe
Arosentí la ne pore'ỹ
La ambyasyvéva ko mundopýpe
Ne mborayhúgui che tyre'ỹ
Ya reikuaáma la rohayhuha
Ha enteroite la che py'apy
Ndénte voi la che jararã
Trigueñitami, ¡Ani nde pochy!