Ba l Tit Pou Kò w

Plimwèt pyafe, ak kaye
F on bèl triyo
M voye mo jwe antre yo
Pwoche zòrèy tande kri yo
Bri flo yo naje nan kè w
Motive w nève nan pè w
Ouvè je w kale l fè wè w
Montre w ennmi an gade l ou bèw
Nan rap
M kanp an fratènite pandan
Nèg ap batay pou patènite
Li klè m ap lite
Menm si Vi m menase
(Yo) m p ap pè ni kite
Si w panike m
M ap pèsekite w
Tande bri pyem
K ap mache vin pre w

Iwonize w ak bravo
Montre w pa vo ak bravou

Sou dèlma n fòk opresè n
Fè kè yo bat
Deplase pyon efase sa nou kwense wa echèkemat
Raple yo jan chat mache pa janm konsa li kenbe rat
Yo fè nou peye frekan
N al pran monnen n nan Delimart
Lank mwen se sa l
Ka remèt
Paske m gen soufrans kòm remèd
M Fè dap sou sa m p ap remèt
Ni pi devan m p ap regrèt
Leta p ap regle on mèd
Se blanchiman biyè vèt
Yo jwenn milyon pou fè fèt
Yo bann petwo a kòm dèt
Yo k genyen
Yo k pou fè pèt
Yo se chèf yo se sèl mèt
Pèp souvren an kanpe rèd
Nou te fin fèl man nou fè l nèt
N ap met 6-7
Nan plas makèt
Si wè m sispèk
Di m sa k ap fèt
Gran piwèt pou w pa parèt
Anndan pasrèl la se pi rèd

M pa gen si lontan nan rap poutan yo wè m vin tou ansyen
M pran l senp
M rap pozisyon m
Pa di viv pou anyen
Se sijè k ap manyen
Donk m gen lirik pou m pran swen
Flo m yo p ap pran fen
Kwè m mo yo vini tou ansent
Respirasyon m vin an san donk chak ba s on ba l nan kè n
Enspirasyon m vin an ven enben bon trak an karantèn
M pa di pou m mennen tou rap pa t janm on bak
Non plis pou m vin trennen tou non fè rap pa t janm on bak
Pandan n ap kritike fòm batay la pèp la fon an
Nèg a vès restavèk tanzantan k ap foure yo pi fon
Pi fò pou m pa di tout
Sou do mizè w y ap kòche w
Yo fin vann ou y ap fòse w
Y ap byen soufle w y ap mòde w
Pran pòz moun fò nèg save bon kot sa n pa devlope la
1804 pat kòve men sanble nou ret kole la
Ann wete fatra la
Tout pil minis
K ap bay kana
Pa gen jistis
Fòk sa kaba
Kot kòb petwo a bann mafya?