Ami
N ka meste txeu pa ser felis

Detali di un meretris ku se vernis
Libra di piór mesmu pur un tris
I na fin di aplauzu palavra bis
Da-m róza na lugar di flor-di-lis

Ami
N ka meste txeu pa ser felis

Un kuadru, un kakutu di jis
Un nbipu, un ninhu di perdis
Odja surizu di minis
Ta diskubri mundu ku ses trakinisis

Ami
N Ka meste txeu pa ser felis

Si bu ka atxa madur kata dibes
Si bu planta ka da frutu seta raís
Si ka ten banbu panha karis
Si bu amor ten dos, pakê pidi-l tres?