Surdate

O tenente mm'ha 'ncucciato
Cu ll'uocchie 'e chianto e cu 'a chitarra 'mmano
E mm' ha ditto accussì: Napulitano
Ccà nun hê 'a fà 'o tenore, hê 'a fà 'o surdato

Ll'aggio ditto accussì: Signor tenente
Mannàteme 'mprigione, nun fa niente
Penzo a 'o paese mio ca sta luntano
E só' Napulitano
E, si nun canto, i' moro

'O tenente ha suspirato
Napule è bella assaje, Napule è bella
Napulitá', pur' io só' 'nnammurato
Càntala zittu zitto 'a canzuncella

Ll'aggiu ditto accussì: Signor tenente
Cantàte pure vuje ca nun fa niente
Penzo a 'o paese mio ca sta luntano
E só' Napulitano
E, si nun canto, i' moro

Trase e luce 'a luna d'oro
Pe' fà lucente e d'oro 'a cammarata
Tutt' 'e cumpagne mieje, dint' 'a nuttata
Chiagnenno 'nziem'a me, cantano a coro

E i' ca dico accussì: Signor tenente
Jammo a fernì in prigione? Nun fa niente
Chillo, 'o paese nuosto, sta luntano
E chi è Napulitano
O canta, o sonna, o more