Almas Condenadas

Sempre nvivi sima ncre ou sima bo bu dexa
Npodi fla ma nconxi sabi ntom nka podi queixa
Motivado pa disgraça ou talvez n dislexa
Nha castigo ta motiva aquilo kin ta pensa
Nha mural ta bai abaixo e nunka npensa reza
Mas mi tem ki ta admiti ma djan pensa joelha
Metadi humano ki matado nem nka xinti pena
Pamodi la riba ki sta sabi li baxu e só merda
Inocência stan bloquiado nha nha medo mata
Sangui sujo na palmo mó na tempos di bonança
Caminho sujo ka tem brilhanti artes ku pirata
Paraquedas ki bem di riba riba coca massa
Quem ki nasci poluído coca e ka nada
Na street existi mil mufinos ta brinca apanhada
Na street existi mil mufinos ta crê dau banhada
Mas mi macaco sima nfetu nfazi nha próprio cama
Nhãs problemas e almofada horas kin poi riba cama
Dor horas kin deta riba del e claro kin ta calma
Decisoms di nha vida mi ki ta disgadja
Certo ou errado mi ki ta disgadja

Sorris ta baza sol quenti na costa
Sime fidjas da puta crê disfruta di nha sombra
Mo nunca és ka dam és busca só dimeu pes toma
Nocenti moda mi nem bu ka mesti spera xona
És pensa nsata xona mas mi nsabi dreto e kenha
Fla fidjas da puta ma mi Né ki mandas mantenha
Ma nsta farto di amizades di meia noite e meia
Ta fala di cumpanhero só pa agrada xis pikena
Ku mi bu ka ta anda ku merda nka ta navega
Maldadi nka ta tolera verdades na cara feia
Cambadas superhomem bloquiados na nha teia
Mintiras na nhos boca ki ta iludi nhos plateia
Ka bu fla mo sta xinti si dento bo ka sta quema
Soldado ki tem arma ka ta tremi ku num guerra
Soldado ki tem asa ka ta tremi ku num queda
Soldado ki tem asa tem ki manti di nha lado
Missom só podi dado pa kenha ki foi soldado
Dreadlocs na coraçom plantado
Balas nha peito kela mi n sta destinado
Nhãs brodas di cana 24 horas fitxado
Almas condenados piratas sem barco
Só nta pidiu pai pó dam aquilo ke dimeu
Almas condenados piratas sem barco
Só nta pidiu pai pó dam aquilo ke dimeu

Ave Maria pai grande na céu
Só nta pidiu pai pó dam aquilo ke dimeu
Almas condenados piratas sem barco
Só na vivi vida di toma di cumpanhero