Ik Wet Nergens Van

't Darp woar ik geboren bun, ston op gin kaart vermeld
't Ni-js wier doar op stroat gemaakt en doarna deurverteld
De andacht van de mensen die was op 't darp gericht
En ik was wel degene wiens doopceel wier gelicht

De pastoor kwam bi-j mien moeder op een deurdewekse dag
Hie vroeg zich af woarum hie mien nooit in de karrek zag
Op een zondag veur een wekke in de tuin van de pastorie
Is uw zoon gesignaleerd met Haverkamps Marie

Ik wet nergens van nergens van, hie wet nergens van, hie wet nergens van
Ik wet nergens van nergens van, hie wet nergens van, hie wet nergens van
Umdat ik dat soort dingen altied slecht herrinneren kan

De buurvrouw had de was gedoan en op de bleek gelegd
Moar mien opgevoerde Sparta knappen midden deur de heg
Inplaats van dat ik remmen gaf ik nog een pille gas
En dat was dus het einde van de buurvrouws witte was

Ik wet nergens van nergens van, hie wet nergens van, hie wet nergens van
Ik wet nergens van nergens van, hie wet nergens van, hie wet nergens van
Umdat ik dat soort dingen altied slecht herrinneren kan

De slimste zonde die ik in mien jeugdtied heb begoan
Is wat ik met Marietjen in die tuin toen heb gedoan
Ik was niet veur 't zingen de karrek uut gegoan
En kwam toen met Marietjen veur 't altaar te stoan

Ik wist der van wist der van, hie wist der alles van, hie wist der alles
van
Ik wist der van wist der van, hie wist der alles van, hie wist der alles
van
Umdat ik dat soort dingen altied goed herrinneren kan

Een ieder sprok der schande van en zei: "dat word niet wat"
Wi-j hebt al zeuven kinder en een zilveren brulleft gehad

Ik wet der van wet der van, hie wet der alles van, hie wet der alles van
Ik wet der van wet der van, hie wet der alles van, hie wet der alles van
Umdat ik dat soort dingen nog steeds goed herrinneren kan