Lapidu Na Bô

Dja-u pinta bu saia d'otu kor
Dja-u muda boton di bu buluza
Bu fase pé sanbu sima Djulái
Pa-u pasa na mi pa N ka konxe-u
Bu nfanhi narís dja-u troka vós
Bu pega bu pila bu dedon di pé
Bu trokola odju, xuxa kolola
Bu pô xupa káka, pé trokadu

Ma inda N sta lapidu na bo, minina, hm oh
N sta lapidu na bo, minina, eh-he-le-le-le-le
Lapidu na bo, minina
Lapidu na bo, minina, eh-eh-eh-eh

Dja-u muda kaminhu pa un otu rubera
Na mundu bu sta anda sô pa kau rabés
Ta kóre di mi, dja-u ba masa bósta
Pilotu morde-u na mama, kadera
Bu krê otu algen pa N sai di bu pé
Bu da-m un burduada, bara marmuleru
Bu ferga-m narís na pipí di Taréku
Bu da-m kaldu d'aza kafanhotu

Ma inda N kontinua lapidu na bo, minina
É lapidu na bo, minina, eh-eh-eh
É lapidu na bo, minina
É lapidu na bo, minina, eh-eh-eh-eh-eh
É lapidu na bo, N sa lapidu na bo
Baxu kótxi-kótxi, minina
Na séti braku bu kabésa
Na tudu pasu ki bu da N sa lapidu na bo
Baxu kótxi-kótxi, minina
Na séti braku bu kabésa
Na tudu pasu ki bu da
É lapidu na bo, minina, eh-eh-eh-eh
Na tudu pasu ki bu da
É lapidu na bo, minina, eh-eh-eh-eh

Dja-u tra kasa tedja, dja-u pô beton
Bu pô muzaiku na sala jantar
Bu pô kasa finu sô pa N skorega
Pa N kai pa N da kokéta na txon
Bu pô nogósi na Sukupira
Brajeru ki toma dja subi dja latxi
'U kunpra Starlet xou di karanbóla
Dinheru N ka sabe di pundi ki ben

Ma inda N sta lapidu na bo, minina
É lapidu na bo, minina, eh-eh-eh-eh
É lapidu na bo, minina
É lapidu na bo, minina, eh-eh-eh-eh

Bu kunpra pasáji bu ba Bisau
Bu ba fase-m kórda ku bu Iran
Bu ba Rótxa Prétu pa-u ba kontrata
Ku xuxu pa-u da kabu di mi di bês
Kusa ka fila-bu, 'u bira dodu
Bu ó na mi, bu kore-m mô na koxa
Bu odja ma mi é féru kuradu
Bu pega bu bóka bu pô na di-meu

Agó ki N bira lapidu na bo, minina
É, lapidu na bo, minina, eh-eh-eh-eh
É lapidu na bo, N sta lapidu na bo
Baxu kótxi-kótxi, minina
Na séti braku bu kabésa
Na tudu pasu ki bu da N sa lapidu na bo
Baxu kótxi-kótxi, minina
Na séti braku bu kabésa, eh
Na tudu pasu ki bu da