Oiméva che róga ñu hovy mbytépe
Hyakuã porãnguépe ndaijojahái
Iñemondehára ára, pyharépe
Morotîva ndéicha jazmín Paraguái
Nicho yvyrámigui che abogado róga
Tataindy mokõime ojehesape
Ha hovái perchélpe henyhê che kóga
Cheañomi upépe ambyatyva’ekue
Tranquera rováigui che róga okára
Ombojeguapáva maymáva yvoty
Oime ku diamela, nardoty iporãva
Guyrami iparáva ho’uha ysapy
Kuarahy ojaivývo ka'aguy kupépe
Óga renondépe ajesareko
Ahenói nde réra che kûnguy apytépe
Pañuelo apytépe chembojahe’o
Ha iporã che róga ára, pyharépe
Hyakuã porãnguépe yvoty meme
Akemírõ iguýpe rohecha che képe
Ndenga’u la ijára ñamano meve