Bendishon Disfrasá

Tata bisa mi, ta ki ma hasi bisami
Dikon kastigami si semper ma komportami

Gobierno a tuma e desishon
Nan di n'tin otro salida
Paso prome ku fin di aña
Nan tin ku tuma medida
Hopi hende mester bai
Hopi kabes tin ku kai
Hulanda a pone kondishon
T'asina so tin salbashon

Hopi hende preokupa
Pero tin ku n ta spanta
Ya nan por a tira un bista
Nan nomber no ta riba e lista
Partido mes lo perkura
Pa nan luga ta sigura
Nan ta lider di bario
Pa nan sigur lo no tin kalvario

Gobierno di e ta plàn bari
Su kahanan ta blo bashi
E n'ke niun hende reklama
E kastigu no por suavisé
Pero awor ta resultá
Ku nan ke kumpra konsulta
Pagando trinta mil pa luna
Komo si fuera ta un multa

Tur mainta bon tempran
Juancho ta sali pa trabou
Semper a kumpli ku su deber
E ta hende'i Banda Abou
Nunka mal komportashon
Semper bon evolashon
Nunka bo n'sa tende kik
Ni e n'ta deal ku politik

Juancho a yega e mainta ei
Bon kontentu ku su pan
Topa e hefe di servisio
Ku un karta den su man

E hefe a keda ta mirele
Esaki si en n'por a kere
I halando un suspiro
Dunele su karta di retiro

Juachuri a para bira friw
Ela sinti ku e ta stik
Ora e korda ku ainda
E n'kabe paga hipotik
Awa, lus i telefón
Kriatura ku ta jong
E seguro di su kas
I hopi otro debe mas

Kabes abou, ela yega kas
Bisa k'en ta traha mas
Su señora a sorprende
Dje kalmu ku ela aksepté
Mi kasa, bo n'preokupa
Huntu nos lo batayá
Pa tur kos tin solushon
Laga nos ban den orashon

Juancho nunka n' realisa
Ku tin bendishon disfrasá
Pasobra ela lubida, riba e pida biyechi
Ku ela kumpra siman pasa, doblele nechi, nechi
Ela wardele bon warda den su saku di karson
I awor notisia a kabe drenta ku ela kaba
Di gana un Miyon

Tata despensami, tata despensami, tata despensami
Despensami, despensami