Ko'ápe che avy'ave

Ko'ápe che avy'ave
Umi pytagua retãgui
Ndo'ái tata che reságui
Hekoguapy che rete
Vaípe aikorõguare
Ndahechávai ni che képe
Maymávaite che rapépe
Hokypu vy'apavê

Ñandejárante raka'e
Chesãmbyhy chererúvo
Che rekove amboyvytúvo
Añaraitýgui aveve
Yma ymaveguare
Tekoasykue cherejáma
Veneno rykue hypáma
Chemyakãnga'umihague

Ko'ápeko che ahendu
Música pu memetéva
Ha umi guyra oñe'êrõ
Oguerúva pytu'u
Ya-ma makagua arandu
Ha umi jaku hetakuére
Okokoréma óga jerére
Hesakãvo ko'êju

Ikangymíva yvytu
Ou pe amo mombyrýgui
Ogueru ka'aguypýgui
Obrejero hacha pu
Kyre'ỹme ñahendu
Tapicha oharyvóva
Umi yvyra iporo'óva
Oipotágui upe viru

Ha tóldope pyhare
Guaikuru opurahéima
Chîcha ho'úrõ ndokéiva
Osavaipo joaite
Iñapesãmba ojuehe
Ha ojeroky umi kuñáva
Ñahendu omopararãva
Pe guasu pysãpêngue

Ha sábado ka'aru
Ka'aguygua osê okápe
Ha ijatypa carreríape
Oiko ku talla ayvu
Pépe oiko mbarakapu
Jerokýkatu ipahápe
Ñaroko'êne mongetápe
Los kuña ra'yrusu

Gasorýgui ohua'îmbaite
Oîhaichagua estanciero
Alambrador, asierrero
Mitã ka'avo meme
Kuña atýpe oike
Tojerokýke la ipúva
Ñahendúma omombe'úva
Mayor Ayala rekovekue

Ko'ápe che avy'ave
Umi pytagua retãgui
Ndo'ái tata che reságui
Hekoguapy che rete
Alfónsopema aime
Yvagapýperõguáicha
Ko'êre aveve guyráicha
Che tyre'ỹrõ jepe