Auswächts

Montåg umma fünfe
Läut da wecka und er geaht
Tramhappat in de kuche
Wo sei reisetaschn steaht
Er schaut no eine za de kinda
Ohne daß oans gwåhcht
De frau steaht intan gåssnliacht
Und schaut nåch wia r a fåhcht
Er årbat auswächz

Bis umme za da mautstell
Steignt de åndang ålle zua
Åba koana redt ra vi
A jeda wi sei ruah
Und stacht glei å auf de stråßn
So åls kunnt se wås dafi
A hålbats lebn schinaggln
Ba da gleichn baupartie
Und ållweil auswächz

Åba wås wist sist toa
Wånn s dahoam koa årbat gib
Es häusl hålbat fechteg
Und de ratn fi n kredit
Sen a no zan zåhln

Solång s d no hålbwegs jung bist
Na då tuat da s seg nid vi
Du fåhscht am motåg kimmst am freitåg
Es is wia r a gschpie
Åba irgendwånn wescht miad
Und nåchand wechts da klår
Da preis wås d zåhlst is ålls
Wås du vasamst iba de jåhr

Hausbånkhuckn nåch da årbat
Mit an flaschl bier
De sunn fållt långsåm åbe
Und dei frau huckt nebn dir
En eschtn schritt va deine kinda
En eschtn schuitåg a
Du blattlst in dein fotoalbum
Es is hålbat laa
Hålbat laa

Und irbat denkst hålt nåch
Und frågst de
Wås wa eppa gwen
Wånn des blede wånn nid warat
Åba so is lebn
So is dei leben

Es is so wia s is
Åba wås willst n toa
Hålbat auswächz
Und hålbat dahoam