Hoamatgfühl

wånn in da friah üba de berg de sunn aufgeht
und wånn da ådler einsåm überm gipfe steht
wånn tiaf im tål des lebn erwåcht
a neia tåg de tia aufmåch
t dånn såg i ohne ironie
då kimm i her då ghör i hin
i håb a hoamatgfühl
wånn i im urlaub wegn da frau ins auslånd fliag
wo i koan mensch vasteh und koa gscheids essn kriag
wårt i scho voller sehn sucht bis
da urlaub endlich umma is
beim låndeånflug gfrei i mi
scho auf s dahoam sei åba wie
i håb a hoamatgfühl
wånn unsre fåhnen durch de stadionkurvn wahn
und unsre sportskanonen gegner niedermahn
wånn mia dånn durch de stråssn ziagn
und unsern schlåchtgesång skandiern
dånn is des weit mehr wia r a gspü
dånn bin i voller euphorie
und håb a hoamatgfühl
wånn i oft in der oanzign gscheidn zeitung lies
wia unsa lånd behåndlt werd fühl i mi mies
de åndern tan mit uns wås wolln
des låss ma uns nid länger gfålln
und s gånze lånd des fühlt wia r i
mir ålle håbn des gleiche ziel
mir håbn a hoamatgfühl
in letzta zeit då reißn bei uns zuständ ei
so kånns nid weidageh so kånns oafåch nid sei
då muas hiatz endlich wås passiern
wånns sei muas wer ma aufmarschiern
lång fåckeln bringt då går nid vü
hoamat kimmt vor demokratie
mir håbn a hoamatgfühl