Rock & Roll
Querschläger
da hansei und da kårdl send heit drauf wia r in de åltn tåg
nåch da letztn museprob då håt s es voll vajågt - mei liaba
und se sudang va da åltn zeit und va de goldan siebzga-jahr
va sex&drugs&rock&roll und va de lånkn håår - mei liaba
woast no wia ma aufgeigt håm ban gemeinde-5-uhr tee
jedn såmståg nåmittåg en åltn dorfcafe - mei liaba
de håsn send fåst niedakniat wånn i en jågga nåchgmåcht hå
i can get no satisfaction - und des is no heit aso - mei liaba
hey hey my my
rock&roll can never die
sollnt de jungan dutta rappn
da rock&roll is fi ins ålte deppn
da kårdl steaht van hocka auf und stellt se vor de bar
er spielt a jimi hendrix-solo mit da luftgitah - mei liaba
er haut se auf n stoabodn so wir friara en spågåt
und då bleibt a liegn weil er s es kreiz varissn håt - mei liaba
hey hey my my………
und nåch da zweitn hålbe såg da hansei dass a fåhcht
weil a no wås z toan håt und de frau mitn essn wåcht - mei liaba
åba da kårdl schreit da kellnarin: 2 pfiff no åba fix
heit spritz ma n musikantnstådl heit scheiß ma ins nix
rock & rooooooouuuuull
hey hey my my…