Winnetou

mit zehne is a mit n winnetou grittn
gråd und frei durch de prärie
zwischn wåldrånd und baggasea
üba de felda dahin
is ållweil räuba und nia schante gwen
ållweil bockat nia kommod
seine leit und de lehra
håbn nia vaståndn wås er håt
a lebn lång a indianer
er håt sei gånzas lebn nia hintagsteckt
und er wår übaråll dabei
va da arena bis wackersdorf
ållweil in da erschtn reih
und wia zan schluss
gach ålle eingschwenkt håbnt
und zruck send ins normale lebn
håt er gsågt na des kånn i nid
då muaß do no wås ånders gebn
a lebn lång a indiana
86 is a nåch griechnlånd
und späta bis nåch indien
und wia r a 97 zruck kem is
då is ålls gånz ånders gwen
ålls håt se glei mehr um an rube draht
und des is unguat wånn s d koan håst
99 håt a wegn an scheißdreck
drei jåhr schmålz ausgfåsst
a lebn lång a indiana
wieda draußt håt er en huat drauf ghaut
er håt se nia mehr dafångt
und håt se oafåch a platzl gsuacht
wo eahm koana mehr daglångt
irgendwo am kapuzinerberg
liegt er inta de stern
und wånn er irbat de augn zumåcht
reit da winnetou nebn eahm
üba de felder
a lebn lång a indiana