Melitta

melitta
hiatz steah i inta dein balkon
warum geahst nid zan telefon
i woaß nid wås is los mit dir
melitta
du bist åls wia mei augnsteang
du woaßt i hå sist neamp so geang
warum bist du so kålt za mir?
da wind blåst ma durchs hemat
und da regn in meine håår
i glab nid wås de leit dazählnt
i woaß es is nid wåhr
melitta es is schoa fünfe in da friah
melitta
de nåcht schmeckt hantig ohne di
gånz übastantig ohne di
åls wa se gestang ibabliebn
melitta
de steang send triab und håmb koan glånz
i wi di hiatz und brauch di gånz
und seg is går nid ibatriebn
mei bluat des is schoa gliarat
und mei hechz is wia r a stoa
warum zan teife meldst di nid
bist eppa nid alloa
melitta de nåcht schmeckt hantig ohne di
melitta
i woaß nid aus und woaß nid ei
wer is in deina kåmma drei
i woaß genau du bist dahoam
melitta
is eppa går da mina veit
i bloin he bis daß a schreit
daß i a låtsch bin brauchst nid moan
i glab hiatz wi i s wissn
und i kräu auf dein balkon
i hear an lota schnaufn
und es spielt a saxofon
melitta
des hätt i va dir nia denkt
i hån dir mei hechzei gschenkt
du håst as brochn hiatz is hi
melitta
du bist a floatsch und wescht as bleibn
åba oans muaß i da reibn
i hå wås mit da rosmarie