Nkre Tem (part. Helio Batalha)

N kre ten más forsa, revindika kel k'é ben pa nos
Pamó sen forsa tudu é fraku, tipu ten se vos
N kre ten amigus más ki kunhesidus
Kes ki gósi e dipos sta prizenti
Indipendenti di distansia entri nos
Diós, Nhu da-m saúdi i sabidoria
Pa N trilha skina i kada dia xinti don di vida
I ama kes ki ta ama-m
Konpleta kes ki konpleta-m
I kes ki ta odia-m, reza pa es na parmanhan

N kre ten kes kusa ki dinheru ka ta kunpra
Mó kel surizu ku ta emana ki ta da-m más forsa luta
N kre ten kultura ki ta muda pa midjór
I ta eduka jóvens ku teoria ki es mundu ta refuta
N kre ten abrasus di nha mai, konversa ku nha irmons
Kontratus ku nha pai, mandamentus na kurason
N kre ten más pas, ama kel filozofia
I kada dia sintí mó N xinti sabor di alegria

N kre ten, bu amor mi N kre ten
(Lus ki tudu dia na brankura bo ki gia-m)
N kre ten, kalor bo dja N kre ten
(Kel majia dosi ki ta kura ki fortalise-m)
N kre ten más forsa di ben
Más lasus alén, intende-m, N kre ten
Más pas i ama tudu algen
N kre ten kes kusa ki dinheru ka ta kunpra

Alves ta falta tenpu pidi kusas ki N kre ten
Nton, Nhu da más tenpu, pamó tenpu ki N kre ten
Tenpu pa ka falta pa N abrasa kes más prósimu
Kes más lonji, N kre pa béntu leba léntu pa ses róstu
N ta perdi na imensidon di nha diseju
N ka ten poder di disizon, nton, pa N kaba ku mundu sufrimentu
I kada bes ki korpu pidi, N ta da-l fé ku diterminason
N kre obi konsedju, k'é alimentu pa nha kurason

Munti pidi karu, kasa, fantazia
N kre alegria na no lar, basta tres pon di kada dia
N kre navega na speransa, mar ki nunka navegadu
Ten konfiansa sén pur séntu na akonxegu di bus brasu
N kre ten vida longa, xeiu di amor na kaminhada
Sen kel sonbra ki poi munti da topada
Munti tropa pa konpleta kel jornada
Sen pistóla nen granada, so ku forsa di palavra

N kre ten, bu amor mi N kre ten
(Lus ki tudu dia na brankura bo ki gia-m)
N kre ten, kalor bo dja N kre ten
(Kel majia dosi ki ta kura ki fortalise-m)
N kre ten más forsa di ben
Más lasus alén, intende-m, N kre ten
Más pas i ama tudu algen
N kre ten kes kusas ki dinheru ka ta kunpra

N kre ten kes kusas (N kre ten kes kusa)
Ki dinheru ka ta kunpra!

N kre ten, bu amor mi N kre ten
(Lus ki tudu dia na brankura bo ki gia-m)
N kre ten, kalor bo dja N kre ten
(Kel majia dosi ki ta kura ki fortalise-m)
N kre ten más forsa di ben
Más lasus alén, intende-m, N kre ten
Más pas i ama tudu algen
N kre ten kes kusas ki dinheru ka ta kunpra